Dei store sjøane i Afrika (engelsk African Great Lakes) er ei gruppe innsjøar i og omkring Riftdalen i Aust-Afrika. Innsjøane ligg i Rwanda, Burundi, Uganda, Kongo, Tanzania og Kenya. Her finst blant anna Victoriasjøen, den tredje største innsjøen i verda mælt i areal. Dei store sjøane blir også brukt om regionen kring sjøene og kjeldeområdet til Den kvite Nilen.^[1]

Det finst ingen kriterium for kva som kan vurderast som ein «stor sjø», men vanlegvis blir dei følgjande rekna til Dei store sjøane i Afrika:^[2]

• Victoriasjøen
• Albertsjøen
• Edvardsjøen

• Tanganyikasjøen
• Kivusjøen

• Malawisjøen

• Turkanasjøen

Dei store sjøane blir nokre gonger avgrensa til å berre omfatta Victoria-, Albert-, og Edvardsjøane, sidan berre dei har utløp til Den kvite Nilen. Kyogasjøen og Georgesjøen er ein del av sjøsystemet i Nilvassdraget, men blir ikkje rekna til Dei store sjøane.