कमाल अतातुर्क^[१] (वैकल्पिक रूपमा केमाल अतातुर्क,^[२] मुस्ताफा कमाल पासा^[क] (सन् १९३४ सम्म), सामान्यतया मुस्ताफा कमाल अतातुर्क;^[ख] अन्दाजी सन् १८८१ ^[ग] – सन् १९३८ नोभेम्बर १०) एक तुर्केली फिल्ड मार्सल, क्रान्तिकारी राजनेता, लेखक, र आधुनिक टर्कीका संस्थापक पिता हुन्। उनी सन् १९२३ देखि सन् १९३८ मा आफ्नो मृत्युसम्म टर्की गणतन्त्रको राष्ट्रपतिको रुपमा सेवा गरेका थिए। उनले अग्रगामी सुधारका कामहरू गरे वापत नै टर्की एक पन्थ निरपेक्ष औद्योगिक राष्ट्रको रुपमा रुपान्तरण गर्न सफल भएको हो। ^{[३][४][५]} वैचारिक रुपमा, धर्म निरपेक्ष र तुर्केली राष्ट्रवाद, उनका सुधारहरू, नीति र सिद्धान्तलाई कमालवादको रुपमा चिनिन्छ। उनको सैन्य तथा राजनैतिक योगदानको कारणले, अतातुर्कलाई बिसौं शताब्दीको एक महत्त्वपूर्ण राजनैतिक नेता मानिन्छ।^[६]