Վիքիպեդիայում կան հոդվածներ Ղևոնդյան ազգանունով այլ մարդկանց մասին։

Գևորգ Ղևոնդյան
Ծնվել է	1895[1]
Ծննդավայր	Թիֆլիս, Ռուսական կայսրություն[1]
Մահացել է	1959[1]
Մահվան վայր	Երևան, Հայկական ԽՍՀ, ԽՍՀՄ[1]
Ազգություն	հայ
Կրթություն	Ռոստովի պետական համալսարան (1923)[1]
Մասնագիտություն	բժիշկ
Աշխատավայր	Երևանի Մխիթար Հերացու անվան Պետական Բժշկական Համալսարան[1]
Կուսակցություն	ԽՄԿԿ[1]
Պարգևներ	և Հայկական ԽՍՀ վաստակավոր բժիշկ

Գևորգ Հարությունի Ղևոնդյան (1895^[1], Թիֆլիս, Ռուսական կայսրություն^[1] - 1959^[1], Երևան, Հայկական ԽՍՀ, ԽՍՀՄ^[1]), հայ խորհրդային բժիշկ։ ՀԽՍՀ վաստակավոր բժիշկ։

1923 թվականին ավարտել է Դոնի Ռոստովի համալսարանի բժշկական ֆակուլտետը։ Աշխատել է Ժելեզնովոդսկում, Կիսլովոդսկում։ 1930 թվականին տեղափոխվել է Հայաստան, նշանակվել առողջապահության ժողկոմի տեղակալ, 1931-1937 թվականներին՝ առողջապահության ժողկոմ։ 1941-1943 թվականներին ղեկավարել է Սոչի-Մացեստա կուրորտային վարչությունը, 1943-1944 թվականներին՝ Երևանի և Թբիլիսիի էվակուացիոն կետերը։1943 թվականին նշանակվել է Երևանի բժշկական ինստիտուտի տնօրեն, 1944-1949 թվականներին՝ Հայաստանի առողջապահության նախարար։ 1951-1959 թվականներին եղել է Երևանի բժշկական ինստիտուտի ռեկտոր, միաժամանակ ղեկավարել երեխաների և դեռահասների հիգիենայի ամբիոնը։

Ղևոնդյանի աշխատանքները նվիրված են առողջապահության և դպրոցականների հիգիենայի հարցերին։

Ղևոնդյանի անունով է կոչվում Երևանի № 5 հիվանդանոցը։

• ՀԽՍՀ վաստակավոր բժիշկ
• Լենինի շքանշան
• Աշխատանքային կարմիր դրոշի շքանշան

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 39)։

դ ք խ Հայաստանի առողջապահության նախարարները Հայաստանի առաջին հանրապետություն Անդրկովկասյան ԽՍՖՀ կամ Հայկական ԽՍՀ Հայկական Խորհրդային Սոցիալիստական Հանրապետության առողջապահության ժողովրդական կոմիսարներ. Սարգիս Սահակի Համբարձումյան (1920–1922) • Սիմեոն Լազարև (1922–1925) • Գարեգին Գարդաշյան (1925–1927) • Գևորգ Հարությունի Ղևոնդյան (1927–1937) • Բաբկեն Աշոտի Աստվածատրյան (1937–1940) • Ստեփան Ճշմարիտյան (1940–1945) Հայկական Խորհրդային Սոցիալիստական Հանրապետության առողջապահության մինիստրներ Գևորգ Հարությունի Ղևոնդյան (1945–1949) • Արմենակ Խրիմլյան (1949–1960) • Զախարի Միքայելի Նարիմանով (1960–1975) • Էմիլ Սամսոնի Գաբրիելյան (1975–1989) • Արտաշես Ազնաուրյան (1989–1990) Հայաստան Միհրան Նազարեթյան (1990–1991) • Արա Սայենի Բաբլոյան (1991–1997) • Գագիկ Գրիգորի Ստամբոլցյան (1997–1998) • Հայկ Նիկողոսյան (1998–2000) • Արարատ Անուշավանի Մկրտչյան (2000–2003) • Նորայր Ռաֆայելի Դավիդյան (2003–2007) • Հարություն Մաքսիմի Քուշկյան (2007–2012) • Դերենիկ Հրանտի Դումանյան (2012–2014) • Արմեն Աբգարի Մուրադյան (2014–2016)• Լևոն Ալթունյան (2016–2018)  • Արսեն Թորոսյան (2018–2021)  • Անահիտ Ավանեսյան (2021-)