歡迎汝來到幫手頁。在邇頁，汝可以瞭解編寫客家語維基百科有關嘅建議（用字、發音、編寫方法、原則等等）。有關還較多幫手信息，做得參詳中文維基幫手頁面。汝也做得撳邇位轉頭到頭頁。

　　今下正開放正體漢字無幾久，系統界面還吂支持漢字顯示，係講汝對邇項工作感興趣，做得去Translatewiki翻譯系統界面。正體漢字嘅用法做得參照臺灣方面推出嘅客家語書寫推薦用字（第一批撈第二批），臺灣客家語常用詞也做得幫到汝。假使汝發現部分字符無辦法正常顯示，邇位可能會幫到汝。

　　客家語維基百科最初係由白話字編寫嘅，毋過，因為其使用面毋廣，影響客家語維基百科嘅進一步發展，故所在原有白話字條目嘅基礎上，建立用正體漢字表達嘅界面撈條目。大家愛知得嘅係，原有嘅白話字條目毋會分去除，假使汝有興趣繼續完善白話字條目，可以繼續參詳邇肚，建立或完善汝想編寫嘅條目。白話字版幫手主頁係Pông-chhu，所有撈白話字有關嘅問題將會在其肚展示。

　　漢字版客家語百科正在起步階段，還有好多規則吂建立，條目也相當少，每隻條目內容過少，愛大家共下出力正做得。有關編寫方面嘅幫手內容，等更多朋友加入後會逐步去完善。
　　漢字版嘅幫手信息在邇頁展示，有問題做得去邇頁嘅討論頁進行交流。

　　汝做得從其他語言嘅維基百科翻譯條目到客家語維基百科來，並且𠊎兜也鼓勵汝恁樣做。同時，𠊎兜更加歡迎善始善終嘅翻譯態度：一隻優秀嘅翻譯人，毋應將佢進行嘅翻譯管都毋管，更毋應把非客家語嘅內容留下來！長時間無翻譯完成嘅條目，會造成閱讀人嘅困擾，也可能會影響到維基百科在讀者眼肚嘅觀感——邇係汝𠊎都毋願意見到嘅。故所，爲到提升客家語維基百科嘅質素，𠊎兜愛呼籲：翻譯愛善始善終。

• 維基百科採用原碼編寫，編寫過程有麽嘅問題？編寫幫手做得幫到汝。
• 有關客家語維基百科肚嘅常見用語，請查看客家語維基百科推薦用語。