Tekst üüb Öömrang

Mustafa Kemal Atatürk (* 19. Mei 1881 uun Selânik, daalang Thessaloniki (Griichenlun), † 10. Nofember 1938) wiar di iarst president faan a Türkei sant September 1923.

Mustafa wurd uun Selânik uun det Osmaans Rik bäären. Hi treed in uun det türkisk armee in an absolwiaret at kadetenskul, huar hi a neknööm Kemal (of de folmaaget) fing. Hi wurd 1908 lasmoot faan a Jongtürken, diar jin a sultaan Abdülhamid II. wiar. A sultaan wurd störtet an faan Mehmed V. ersaat.

Efter de Iarst Wäältkrich wurd grat dialen faan det Osmaans Rik faan a aliiarten besaat. Mustafa Kemal begand 1919 en apstun jin a sultaan Mehmed VI. an a aliiarten. Twesken 1919 an 1923 streed a saldooten faan Kemal jin a saldooten faan a sultaan an a aliiarten. A sultaan wurd Nofember 1922 faan det Grat Natschunaalfersaamling faan a Türkei ufsaat an at lun wurd en republiik.

A Türkei wurd oner Mustafa Kemal en sekuleer republiik an Ankara wurd at hoodsteed faan't lun. Hi ersaat uk det Araabisk alfabeet faan det Latiinsk alfabeet för det Türkisk spriak

 Wikimedia Commons hää bilen of filmer tu: Mustafa Kemal Atatürk