Wikipèdia bahsa Acèh
  | |
| Geupuphôn | Uroe 12 Buleuen Lapan 2009 |
| Jeumeulah teunuléh | 12.973 |
| Jeumeulah ban dum laman | 27.824 |
| Jeumeulah beureukaih | 0 |
| Jeumeulah ureueng ngui teudapeuta | 29.640 |
| Jeumeulah ureueng ngui udép | 36 |
| Jeumeulah ureueng urôh | 3 |
| Depth | 7,152 |
|
| |
| *Keunira uroe 28-12-2024 | |
Wikipèdia bahsa Acèh nakeuh ènsiklopèdia online lam bahsa Acèh nyang geupeuseudiya lé Wikipèdia.
Wikipèdia bahsa Acèh na bak 12 uroe Buleuen Lapan 2009. Haba nyoe laju geuteurimöng lé Fadli Idris nyang bak watèe nyan gobnyan seubagoe Koordinator Komunitas Blogger Aceh (kayém geukheun Aceh Blogger Community). Yôh mantöng lam inkubator, Fadli geupeukeumang Wikipèdia nyoe ngön sidroe ureueng ngui laén nyang geungui nan Si Gam Acèh bak awai thôn 2008.[1] Ureueng-ureueng nyang cah röt Wikipèdia nyoe cit ka geumarit ngön Mark Durie, sidroe ureueng meurunoe bahsa (atawa geukheun linguistik) asai Australia. Mark nakeuh salah sidroe ureueng luwa nyang tom geumeurunoe bahsa Acèh.[1]
Asoë pikéran keu geupeuna Wikipèdia bahsa Acèh nakeuh saweuëb na Wikipèdia lam bahsa da'irah laén, miseuëjih Wikipedia bahsa Jawa, Wikipedia bahsa Sunda, ngön Wikipedia bahsa Banyumasan.[2]
Bak awai thôn 2009, Abi Azkia, nyang sidroe ureueng peurunoe 'èleumèe agama di da'irah Pidie geupeuramè Wikipèdia bahsa Acèh. Abi geubantu teumuléh teunuléh-teunuléh bhaih agama Islam.[2] Lam teunuléh gobnyan bak Serambi Indonesia, Abi geupeutrang pakön payah bak tateumuléh lam bahsa Acèh.[3] Abi geupeugah meunyo bahsa Acèh na bida bak kri teumuléh. Laén nibak nyan, bahsa Acèh nyang geungui cingkunèk cit jeuet keu saboh masalah. Kureung le jeumeulah kata lam bahsa Acèh nyang geuteupeu ngön hana kayém teumuléh lam bahsa Acèh nyan cit saboh masalah keu geuteumuléh lam Wikipèdia.[3] Adak pih meunan, gobnyan geuyakin meunyoe geutém ôseuha ban dum masalah nyan ék geupeugadöh demi tapeulahra bahsa Acèh nyang teuka nibak éndatu bansa Acèh.[3]
Nè
[peusaneut | peusaneut asai]- ^ a b "Akhirnya, Wikipedia Berbahasa Aceh Lahir". acehkita.com. Diarsipkan dari versi asli tanggal March 5, 2016. Diakses tanggal 3 Buleuen Siplôh 2015. Teks "ACEHKITA.COM" akan diabaikan (bantuan);
- ^ a b "Ayo, Menulis di Wiki Aceh - KOMPASIANA.com". kompasiana.com. Diakses tanggal 3 Buleuen Siplôh 2015.
- ^ a b c Aceh Tribun News: Kendala Menulis di Wikipedia bahasa Aceh [hubông luwa maté]
Peunawôt luwa
[peusaneut | peusaneut asai]- Wikipèdia bahsa Acèh (Bahsa Aceh) - Mobile
- Wikipèdia bahsa Acèh - Facebook (Bahsa Aceh)
- Wikipèdia bahsa Acèh - Twitter (Bahsa Aceh)